HOSTIUM, Glossarium mediae et infimae latinitatis, Du Cange et al.

« Hostium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 254a. http://ducange.enc.sorbonne.fr/HOSTIUM

HOSTIUM, pro Ostium, sæpius occurrit ; a porta nihilominus aliquid differre innuunt Instrumenta. Chartularium S. Vandregesili tom. 1. pag. 810 :

Dedi et concessi... totam partem illam domus meæ sicuti se præportat in longitudine et latitudine quæ est a clausura usque ad vivarium cum Hostio.

Charta apud Madox Formul. Anglic. pag. 139 :

Concessit præfato Waltero, licenciam et legitimam potestatem omnes domos in dicto mesuagio jam ædificatas prosternendi, a summo usque deorsum, ac totum merremium, petram tegularem, et lapides murorum dicti mesuagii, cum portis, Hostiis, et fenestris, etc.

Vide supra Hostiaria 2.

HOSTITOR HOSTOARIUS © École des chartes.

« Ostium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 078a. http://ducange.enc.sorbonne.fr/OSTIUM1

OSTIUM, et Ostiolum, inter donaria vel ministeria sacra recenset Hariulfus lib. 2. Chronic. Centul. cap. 10 :

Imagines æneæ 6. eburnea 1. candelabra auro parata 2. Ostia auro parata 7. etc.

Idem lib. 3. cap. 3 :

Turibula argentea 8. ex cupro 1. flabellum argenteum 1. paries ad caput S. Richarii, et duo Ostiola parva ex argento et auro, gemmisque fabricata : ad pedes ipsius Ostiola 6. ex argento auroque parata. Sunt et alia 4. similiter parata.

P. Carpentier, 1766.

◊ Vela seu aulæa, quibus altaria vel sepulcra claudebantur, intelligit D. Le Beuf in epistola quæ exstat in Mercur. Franc. ann. 1737. tom. 2. Dec. pag. 2848. quocum sentire vix possum ; nam ostia ejusmodi ex metallo fabricata fuisse ex Hariulfo mihi apertum est.

« Ostium » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 078a. http://ducange.enc.sorbonne.fr/OSTIUM2

OSTIUM. Hostium, (Imponere collectam per), Idem ac tributum exigere pro singulis ostiis, ut Focaticum pro singulis focis, sive domibus. Stat. Bonon. ann. 1250-67. tom. II. pag. 622 :

Et ad predicta omnia facienda quatuor boni homines de ipsa contrata eligantur per curiales, qui sint etatis XL. annorum, qui jurent ipsum officium bene et legaliter exercere et complere, imponendo collectam pro dicto opere complendo per Hostium, sive aliter.

Fr.