OVERHERNESSA, Contumacia, despectus, proprie de eo, qui juri stare aut parere renuit : præterea forisfactura seu mulcta ex ejusmodi despectu debita : vox Saxon. ofer-herniss. Ex ofer, super, et hyran, audire, auscultare, unde Overhyrnessam Bromptono exponitur super-auditio, quomodo recte emendat Somnerus, pro subauditio, forte Obauditio. Vide in hac voce. in Legibus Adelstani Regis cap. 25 :

Si quis Gemotum, id est, publicum comitatum, adire supersedeat ter, emendet Overhirnessam, id est subauditionem Regis, si placitum ipsum 7. diebus prænuntiatum sit.

Leges Alvredi et Godruni cap. 6 :

Si quis illud hoc modo non complebit, emendet Overhernessam meam. Overhirnessa,

in Legibus Edw. Senior. Saxon. cap. 1. 2. Oversewenesse, in Concilio Wintoniensi ann. 1076 :

Si autem (tertio vocati) post excommunicationem ad satisfactionem venerint, forisfacturam suam, quæ Anglice vocatur Oversewenesse, seu lashlit, pro unaquaque vocatione Episcopo suo reddant. Overseunesse,

in Legibus Henrici I. cap. 34. 36. 48. 53. 60. 61. 65. 87. Plena Overseunessa, id est, plena forisfactura, ibidem cap. 41.