OVIFER, Ovis silvatica, seu silvestris. Gloss. Gr. Lat. MS. : Πρόϐατον * ανον. Ovifer. In edito absunt Græcæ voces. Rectius aliud Glossar. MS. e Bibl. Sangermanensi : Ovifer, πρόϐατον ἄγριον. Occurrit hæc vox apud Apicium lib. 8. de re culinar. cap. 4. Ubi perperam Humelbergius ovi fero pro ovifero legit : tametsi occurrunt oves feræ, apud Vopiscum in Probo, disjunctis vocibus. Hector Boëthius in descript. Scotiæ, de quadam adjacenti insula :

In ea animalia quædam sunt ovibus forma haud dissimilia, cæterum fera, et quæ nisi indagine capi nequeant, pilos medio modo inter oves et capras ferentia, neque molles ut ovium lanam, neque ut caprarum duros.