PALLIARIA, Telonei species, quod pro facultate figendi palos ad religandas naves, vel quod ad palos seu repagula oppidorum, vulgo Barrieres, exsolvitur. Charta Conradi II. reg. Sicil. pro Pisanis ann. 1269. apud Lam. in Delic. erudit. inter not. ad Chron. imper. Leon. Urbevet. pag. 272 :

Liceat eis sine impedimento aliquo, sive in eodem ligno vel navigio, sive alio, sive per terram, res et merces ipsas.... deferre quocumque voluerint....... non solvendo inde dirictum aliquem, vel toloneum, vel Palliariam, vel passadium, aut quamcumque aliam exactionem, quocumque nomine appelletur.

Ibid. pag. 273 :

Teloneum vel Palliariam, scariam vel fundacagium, seu scalaticum, etc.

Vide supra Palificatura.