PANIFICUS. Glossar. Gr. Lat. : Ἀρτοποιός, Pistor Panificus. Ἀρτοποιεῖον, Panificium, quæ vox occurrit apud Celsum lib. 8 : Ἀρτορώλης, Panarius Ἀρτοφόρον, Panarium. Papias : Panificæ, pistrices, quæ panes faciunt. Catholicum parvum, et Gloss. Lat. Gall. MS. Thuanum : Panifica, Panetiere. Panifex, celle qui fait le pain. Panificium, paneterie, locus in quo efficitur. Domnizo lib. 1. de Vita Mathild. cap. ii :

Panificus quidam meruit bis quatuor ira.

Charta Ildefonsi Comitis Tolosæ ann. 1144. apud Catell. lib. 2. Rerum Occitanar. cap. 17 :

Panificus et Panifica, qui panem venalem fecerit, etc.

Ubi Regestum Tolosanum Cameræ Comput. Paris. fol. 27. habet, Paneficus et Panefica. Charta Communiæ S. Quintini :

Nullus panifex panem faciet, nisi ad obolum.

Charta Hugonis Ducis Burgund. ann. 1172. tom. 4. Gall. Christ. inter Instr. col. 187 :

Et astalagium quod mihi debebant Panifici.

Utuntur Ordericus Vitalis lib. 8. pag. 692. Joan. Sarisber. lib. 3. Policrat. cap. 14. etc. Adde 1. Reg. cap. 8.