PAPARINI, Monetæ Romanæ species, forte, ut conjectat vir eruditus, ab Italico Papero, Anserculus, quo insignita erat, aut ab agnomine cujusdam senatoris, Paparone scilicet, sic nuncupata. Charta ann. 1291. apud Murator. tom. 2. Antiq. Ital. med. ævi col. 567 :

Ad offerendum et promittendum nomine universitatis et hominum ejusdem castri (Centumcellarum).... Nicolao de Trebis domini papæ camerario et notario recipienti et stipulanti nomine et vice dom. papæ et ecclesiæ prælibatæ, nomine census quinquaginta libras Paparinorum.

Occurrit ibid. semel et iterum. Forte Hyperperi. Vide in hac voce.