PARACELLARIUM, Glossarium mediae et infimae latinitatis, Du Cange et al.

« Paracellarium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 155c. http://ducange.enc.sorbonne.fr/PARACELLARIUM

PARACELLARIUM, Idem quod Cellarium, cella vinaria, nostris Cellier. Anastasius in S. Hadriano :

Vinum vero seu diversa legumina, quæ in prædiis ac locis ipsius ante fatæ domocultæ annue nata fuerint, simili modo curiose in Paracellario prænominatæ sanctæ nostræ Ecclesiæ deducantur, et separatim reponantur.

In Gregorio IV. :

Sed et alias absidas duas... infra Paracellarium variis historiis depictas.

Infra :

Balneum, quod juxta Paracellarium situm est.

Paracellarii, seu cellarii, Qui cellariis præsunt. Iis, ex Macro, incumbebat mensæ pontificiæ largitiones pauperibus distribuere. Idem Anastasius in S. Zacharia PP. :

Hic beatissimus Papa statuit ut crebris diebus alimentorum sumptus, qui et eleemosyna usque nunc appellatur, de venerabili Patriarchio a Paracellariis, pauperibus, et peregrinis, qui ad B. Petrum morantur, deportari eisque erogari.

Vide Subpulmentarius.