PARAPETASIA, in leg. 39. Cod. Th. de Operib. publ. (15, 1.) :

Ædificia, quæ vulgi more Parapetasia nuncupantur, vel qua opera publicis mænibus, vel privatis, sociata cohærent, ut ex his incendium vel insidias vicinitas reformidet, aut angustentur spatia platearum, vel minuatur porticibus latitudo, dirui ac prosterni præcipimus.

Quo loco in Basilicis habetur παραπίσσια, vel παραπέσσα, quæ vox, opus quoddam alii adjunctum, significat, seu ad aliud fulciendum, vel alia de causa, uti observatum a nobis in Descript. ædis Sophianæ num. 36. Proinde alia sunt Parapetasia a mœnianis et subgrundiis.