« »
 
[]« Parapsis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 161a. http://ducange.enc.sorbonne.fr/PARAPSIS
PARAPSIS, pro παροψίς, Glossæ Gr. Lat. Τρυϐλίον, Parapsida. Ita MSS. ubi editæ habent paropsida. Vas escarum a rotunditate dictum. Will. Brito in Vocab. : Parapsis dicitur discus. Parapsis, Escuelle, in Gloss. Lat. Gall. Sangerm. Isidorus lib. 20. Orig. cap. 4 : Parapsis, quadrangulum et quadrilaterum vas, id est, paribus absidis. Glossæ ejusdem Isidori : Parapsides, suffusoria. Parapsis, granata vel catunis. Legendum gavata, vel catinum, ut habent Glossæ antiquæ MSS. Pithœanæ, et Papias. Glossæ MSS. ex Bibl. S. Germani Paris. Cod. 561 : Parapsis dicitur vel a paribus absidis, vel a parabsis, a partitis in eo obsoniis et prandiis. Joannes de Garlandia in Synonymis :
Discus, scutella, lanx est, catinusque, Parapsis.
Regula S. Ferreoli cap. 34 :
Nemo alterius aut præsumat aut rapiat portionem, nec frequentius cæteris manum Parapsidi importunus immergat.
Constitut. Sicul. lib. 3. cap. 36 :
Annulos, fibulas, Parapsides, vel cuppas aureas, etc.
Vetus Charta apud Hubertum Leodiensem pag. 39 :
Quatenus inde 8. Parapsides 8. [] staupi, unum mortarium in Natali Domini,... fratribus a Villico ministrentur.
Vita S. Willelmi sæc. Bened. 4. part. 1. pag. 84 :
Ipse modo cocus humilis et servitor fidelis manibus propriis Parapsides abluit, olera colligit, etc.
Vide Cujac. lib. 10. Observat. cap. 17.
les Bénédictins de St. Maur, 1733–1736.
Parapsis, Præstatio paropsidum, quas recens nuptæ apud Delphinates domino feudali dare tenebantur. Computa Vienn. ann. 1318. fol. 119 :
Item de Parapsidibus censualibus x. duodenas, quæ fuerunt positæ in hospitio, et sic Parapsides quittæ.
In Computo Castellani de Romanis vocantur excuellatæ sponsarum. Vide Escuellata et Missus 1.
© École des chartes.