1. PARIÆ, ex Hispanico Parias, Feudales redditus, honores, homagia. Charta Hispanica ann. 1063. apud Diago in Comitib. Barcinon. lib. 2. cap. 52 :

Et ad castra et castella et terras quas habet prædictus Raymundus Comes in Comitatu Ribagorça, et habere debet, et ad ipsas Parias de Hispania, quas jam dictus Raymundus Comes inde habet, et quæ sunt convengudæ ad eum, etc.

Alia Garciæ Regis Navarræ æræ 1087. apud Anton. de Yepez in Chronico Ordin. S. Benedicti tom. 3 :

Similiter vendimus vobis ipsa Paria, quam dicunt Guardia, etc.

Alia Sancii Regis Aragonum æræ 1131. apud eumdem tom. 7 :

Similiter dono ipsam Pariam, et tributum ac fabricam, quæ mihi soliti erant facere ipsi Ismaelitæ, cum omnibus servitiis quæ debent facere.

Infra :

Simili modo dono decimam de Paria prædicti castri, etc.

Adde Sandovallium in Episcopis Pampilon. fol. 142. Jacobus I. Rex Aragon. in Foris Oscæ 1247. fol. 21 :

Villanus de parada tenetur fidejubere pro suo domino, quotiescunque necesse fuerit ipso domino, et dominus trahat ipsum de ipsa fidanciaria, ita quod pro illa non veniat ei damnum, vel Paria. Et si forte pariabit pro ipsa fidanciaria, de cætero non intret illo pro ipsa fidancia, etc.

Vide Stephanum Baluzium lib. 2. Miscellan. pag. 226. et infra Parietes.