PARILION. Vita S. Wunebaldi Abbatis Heidenheim. n. 8. de eodem :

Sacer ille atque perfectus Barilion.

Et n. 13 :

Cum belligerosus atque beatus Barilion terram Sualaveldorum habitare cœpit, etc.

In alia Vita ejusdem Sancti n. 31. habetur Parilion. Itinerarium S. Willebaldi n. 31 :

Et ille beatus Parilion Willibaldus.

Unde conjicio respexisse Scriptores istos ad Græcum παρήλιον, quod

nubem soli similem tum colore tum orbiculari figura

sonat : ita ut quasi sol alter sanctitatis fuerit, seu jubar. Vita S. Soli Confessoris cap. 1. de eodem Sancto :

Hanc in patriam ceu jubar solis clarissimum delatus est.

De Parelio vide Joan. Sarisber. lib. 2. cap. 3.