1. PARTICIPATIO, Eleemosyna, qua quis pauperes bonorum suorum participes facit. Monasticum Anglic. tom. 2. pag. 321 :

Et ad faciendum pro prædictis animabus tres Participationes per annum, trium millium pauperum in perpetuum computandas per majus centum sexies viginti, cuilibet eorum unum panem, pretii unius quadrantis et unum allec, Participationem unius milliaris in Purificatione B. Mariæ, aliam in die Parassevæ, tertiam in die anniversarii ejusdem Mariæ fieri ordinavit.

Infra :

Remittimus etiam et relaxamus per præsentes eisdem Priori et Conventui, et eorum successoribus, prædicta onera gravia et importabilia dictarum trium Participationum de pane et allece tribus vicibus per annum faciendarum : ita quod nunquam de cetero eas erogare teneantur. Et volulumus quod pro eisdem Participationibus, faciant distributionem 13. solidorum, etc.