« »
 
[]« Passionarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 198b. http://ducange.enc.sorbonne.fr/PASSIONARIUS
PASSIONARIUS, Passionalis, Passiones Martyrum. Joan. de Janua : Passionarium, liber continens Passiones Sanctorum : vel Passiones id est morbos. Gloss. Lat. Gall. Sangerm. : Passionarium, Passionnaire, c'est livre des passions des Sains. Passionarius, Durando lib. 6. Ration. cap. 1. n. 29.
est liber continens Passiones Sanctorum, qui legitur in Ecclesia in festis Martyrum :
 ex instituto nempe Antheri PP. qui Martyrum gesta scribi, et in Ecclesiis haberi præcepit. Gregorius M. lib. 7. ind. 1. Epist. 9 :
Nos autem pene omnium Martyrum distinctis per dies singulos Passionibus collecta in uno codice nomina habemus.
Regula S. Ferreoli cap. 18 :
Gesta Martyrum, id est, Passiones Sanctorum fidelium, quodam compaginata studio et sermone digesta sunt, tempore quo nobis diem migrationis eorum anni meta cursus sui legibus repræsentat, recenseri in oratorio, audientibus cunctis, omnino decernimus.
Id etiam statuitur in Concilio Africano can. 13 :
Liceat etiam legi Passiones Martyrum, cum anniversarii dies eorum celebrantur.
Adde Concilium Carthag. can. 47. Attonis Episcopi Capitulare cap. 58. Canones Saxonicos Ælfrici ad Vulphinum Episcopum can. 21. Epistolam Buggæ ad Bonifacium Moguntin. Episc. Vitam S. Gilberti de Sempringham pag. 682. etc.
Passionarius, Passionarium. Liber MS. Ordinis S. Victoris Parisiensis cap. 19 :
Quales sunt Bibliothecæ, majores expositores, et Passionarii, et Vitas Patrum, etc.
Et cap. 48 :
In festivitatibus Sanctorum legantur vitæ vel Passiones eorum.
Chronicon Casinense lib. 3. cap. 62. (al. 63) :
Passionaria totius anni libros quatuor.
Lambertus Ardensis pag. 155 :
Veteris Testamenti libros, et Passionarium.
Vide Monasticum Anglic. tom. 3. pag. 322.
les Bénédictins de St. Maur, 1733–1736.
Passionale. Chron. S. Bertini apud Marten. tom. 3. Anecd. col. 592 :
Librum Effrem pronosticorum, Collationes Patrum, Augustinum super Johannem, et Passionale totius anni.
Occurrit præterea apud Mabill. tom. 4. Annal. Bened. pag. 441.
Passionalis. Necrologium Ecclesiæ [] Parisiensis 6. Id. Jan. :
Dedit etiam tres libros, duos Passionales, et unum qui dicitur Martinellus.
Occurrit apud Ratpertum Monachum de Casib. S. Galli cap. 9. et in veteri Charta apud Buzelinum lib. 2. Gallo-Flandr. cap. 25. Vide Testamentum S. Everardi apud Miræum in Cod. Donat. piar. cap. 21.
P. Carpentier, 1766.
◊ Passionaire appellatur, Liber passionem Christi ex Evangeliis complectens, in Inventar. S. Capel. Paris. :
Un Passionaire noté, etc.
Vide supra Passio.
© École des chartes.