« »
 
[]« Pastoralitas » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 203c. http://ducange.enc.sorbonne.fr/PASTORALITAS
PASTORALITAS, Præsulatus, Episcopi vel Abbatis dignitas, munus, cura ovium ipsis demandatarum. Charta ann. 1034. tom. 4. Annal. Bened. pag. 394 :
Acta sunt hæc... Brunone Episcopo Pastoralitatem sanctæ Tullensis ecclesiæ sobrie, feliciterque regente.
Charta ann. 1168. tom. 2. Rer. Mogunt. pag. 752 :
Ad hoc a summo pastore Pastoralitatis cura nobis est commissa.
Gesta Abbatum Gemblac. tom. 6. Spicileg. Acher. pag. 521 :
Adeptus ergo curam Pastoralitatis, non segniter laborabat nomen abbatis factis implere.
Chron. Valciodor. tom. 7. Spicileg. Acher. pag. 562 :
Hæc tempore domini Lamberti atque rebus acquisitis [] amplificatione, sine diminutione, et infra terminum suæ Pastoralitatis accidentalibus casibus et periculosis anfractibus dicta sufficiant.
Charta S. Gerardi Episc. inter. Probat. Tullens. pag. lxiv. :
Ad B. Mansueti oratorium me totum et susceptæ plebis Pastoralitatem... contradidi.
Pontificalia antiqua MSS. in benedict. Abbatum :
Accipe baculum Pastoralitatis, quem præferas catervæ tibi commissæ ad exemplum justæ et piæ correctionis.
Occurrit præterea in Chron. Novalic. lib. 3. cap. 20. in Vita S. Medardi tom. 2. Junii pag. 90. et apud Marten. tom. 1. Anecd. col. 207. Hinc
les Bénédictins de St. Maur, 1733–1736.
Pastoralitas, Titulus honorarius Episcoporum vel Abbatum. Manasses Episc. Camerac. in Epist. ad Lambertum Atrebat. Episc. apud Baluz. tom. 5. Miscell. pag. 319 :
Pater sanctissime, portate onus meum, interdicite per terram prædictæ Comitissæ (Montensis) divinum officium, quæ neque Deum offendere, neque Romanam sedem, neque Remensem Ecclesiam, neque Pastoralitatem vestram erubescit dedecorare.
les Bénédictins de St. Maur, 1733–1736.
Pastoralitas, Jus pastoris, Episcopi jurisdictio. Charta fundationis Prioratus S. Amandi in diœcesi Noviom. ann. 1103. tom. 3. Gall. Christ. inter Instr. col. 44 :
Salva tamen Noviomensis episcopi Pastoralitate et obedientia.
© École des chartes.