« »
 
PATRONUS 1, PATRONUS 2, 3 Patroni, PATRONUS 4, PATRONUS 5.
[]« 1 patronus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 220c. http://ducange.enc.sorbonne.fr/PATRONUS1
1. PATRONUS. Gloss. Saxon. Ælfrici, ubi de partibus domus : Patronus, stapul. Quæ vox Saxonica, basim sonat, ut observat Somnerus. Aliud Gloss. Saxonicum MS. laudatum ab eodem Somnero : Stapul, Batis, ubi basis, restituit.
© École des chartes.
[]« 2 patronus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 220c. http://ducange.enc.sorbonne.fr/PATRONUS2
2. PATRONUS, Qui alicujus ecclesiæ exstruendæ, aut alterius cujuscumque fundationis ecclesiasticæ auctor est. Advocatus interdum nuncupatus, ut videre est in hac voce, pag. 111. col. 1. Joan. de Garlandia in Synonymis :
Patronum faciunt dos, ædificatio, fundus.
Leges Alfonsinæ seu Partidæ, parte 1. tit. 15. lege 1 :
Padronadgo es derecho o poder que gana en la Eglesia por los bienes que hi face el que es padron de ella, et este derecho gana home por tres cosas : La una, por el suelo que da en que se faga la Eglesia ; la segunda, por facerla ; la tercera, por el heredamiento quel da à que llaman dote, onde vivan los clerigos que la sirvieren et de que puedan complir las otras cosas, etc.
Patronatus, seu jus Patronatus, Patronage, nostris ; Padronaggio, et Padronatico, Matthæo Villaneo lib. 1. cap. 33. l. 9. cap. 98. est
jus honorificum, onerosum, et utile alicui in Ecclesia competens pro eo, quod de diœcesani licentia sive consensu illam fundavit, dotavit, vel construxit ipse, vel is a quo justam causam habet.
Ita Joan. Andr. et alii Canonistæ. Chronicon Montissereni ann. 1171 :
Iniquum censum 20. talentorum, et servitium, et jus Patronatus quod Imperator in præfata Ecclesia habebat, etc.
Charta Margaretæ Flandr. Comit. ann. 1250. apud Miræum tom. 2. pag. 1233 :
Patronatum ecclesiæ de Commines cum jure conferendi præbendas et beneficia..... cessimus.
les Bénédictins de St. Maur, 1733–1736.
◊ Præter hanc legitimam usuque receptam juris patronatus originem, quæ ex ecclesiarum fundatione manavit, aliam, eamque longe frequentiorem, repetere licet ab ecclesiarum infeodationibus. Et quidem ubi laici ecclesias et earum bona, quæ vel a Principibus in feudum concessa habebant, vel ipsi sibimet arrogaverant, restituere tandem statuerunt, iis ea lege cesserunt, ut jure patronatus gauderent, atque in iis ecclesiis clericos instituendos Episcopo præsentarent, quosipsi prius inconsulto Episcopo instituebant destituebantque ad libitum. Quo spectat Capitul. Ludovici Pii ann. 816. cap. 9 :
Statutum est ut sine auctoritate vel consensu Episcoporum presbyteri in quibuslibet ecclesiis nec constituantur nec expellantur. Et si laici clericos probabilis vitæ et doctrinæ Episcopis consecrandos suisque in ecclesiis constituendos obtulerint, nulla qualibet occasione eos rejiciant.
Adde Capitul. Caroli C. tit. 40. cap. 9. Et ita, inquit Fransciscus de Roye, in Prolegom. ad tit. de jure patronatus pag. 55 :
Solum jus Patronatus habere ceperunt in iis ecclesiis, quas olim in beneficium, vel etiam in alodem acceperant, ut nempe clericos diœcesanis Episcopis præsentarent tantum, non etiam instituerent. Unde et eo fere tempore Hincmarus Remensis in suis [] Capitulis eos appellat Patronos : qui dicebantur etiam Abbates laici, Abbicomites apud Gerebertum in Epist. 17. sicque invaluit, ut qui ecclesiam aliquam olim accepisset in beneficium, in ea jus Patronatus haberet, quamvis eam nec ædificasset, nec dotasset, nec quidquam ei contulisset. His adde præstantissimum Paris. Archiep. Petrum de Marca lib. 1. Hist. Beneharn. cap. 28. et lib. 5. cap. 30.
les Bénédictins de St. Maur, 1733–1736.
◊ Inter jura. patronorum laicorum illud recensetur, ut inter clericos intra cancellos sedere possint. Constitut. MS. Roberti Episc. Lincoln. apud Kennet. in Gloss. : Ad hæc adjicimus ne laici stent vel sedeant inter clericos in cancello dum divina ibidem celebrantur, nisi forte ob reverentiam vel aliam rationabilem causam et manifestam. Hoc solum Patronis permittitur. Alia patronorum privilegia his duobus versiculis exprimuntur :
Patrono debetur honos, onus, utilitasque.
Præsentet, præsit, defendat, alatur egenus.
L. Henschel, 1840–1850.
Jus Patronatus scholarum. Vide Haltaus. Glossar. German. voce Schullehen, col. 1660.
les Bénédictins de St. Maur, 1733–1736.
Patronagium, idem quod Patronatus. Statuta Monast. S. Claudii ann. 1448. pag. 75 :
Item, Patronagium parochialis ecclesiæ de Juerro Lugdunensis diœcesis.
Pluries ibid. occurrit.
P. Carpentier, 1766.
◊ Charta Phil. V. ann. 1317. in Lib. rub. Cam. Comput. Paris. fol. 560. col. 2 :
In recompensationem ipsorum, Patronagium et jus patronatus..... concedimus.
Patronnage præterea appellatur, Portio redituum ecclesiæ, quæ ad illius patronum pertinet. Charta ann. 1428. in Chartul. Latiniac. fol. 211. v° :
Déclaré avons ladite église avoir droit de prendre aux quatre festes, Pasques, Pentecouste, Toussains et Noel soixante-dix solz Tournois de rente ou Patronnaige.
Alia ann. 1443. ibid. fol. 212. v° :
A cause et pour raison de soixante solz Tournois de rente annuelle, appellée Patronnage, que ladite église, à cause dudit office, a droit de prendre et percevoir.... en et sur la revenue, oblacions et autres prouffitz appartenans à icelle cure.
Vide suo loco alio sensu.
les Bénédictins de St. Maur, 1733–1736.
Patronata Beneficia, Ad quæ patronorum præsentatione quis instituitur. Expositio compendiosa benefic. fol. 30 :
Institutio ad beneficia Patronata pertinet ; non enim proprie conferuntur : et differt institutio a collatione, quod hæc voluntaria sit, illa necessaria : Ordinariis enim recusantibus instituere, jus ad superiorem devolvitur, et meo judicio recusantes Ordinarii a Patronis conveniri poterunt interdicto retinendæ possessionis coram judice regio.
Patroni, dicti veteribus Christianis Sancti, præcipue tutelares, S. Augustino lib. de Cura pro mortuis cap. 4. 18. S. Ambrosio lib. 10. in Lucam cap. 21. Prudentio hymn. 1. et 2. Peristeph. Paulino Epist. 3. ad Sever. et Paneg. 3. in Felicem, et in libris de Vita S. Martini, S. Eulogio in Apologet, etc. Vide Patrocinium.
© École des chartes.
[]« 3 patroni » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 221a. http://ducange.enc.sorbonne.fr/PATRONUS3
3. Patroni, Episcopi. Vetus Scheda de Ordinat. Episc. edita a Baluzio :
Et dum fuerint introducti, (qui decretum deferunt) interrogatur ab Episcopo suo, Quid est fratres, quod vos fatigastis ? Illi respondent Ut nobis, domine, concedas Patronum.
Fridegodus in Vita S. Wilfridi sæc. 3. Bened. part. 1. pag. 177. ubi de Episcopatu Eborac. :
Nam postquam dicto sedes viduata Patrono.
[]
P. Carpentier, 1766.
◊ Pro Archiepiscopus, legitur in Charta Ludov. Jun. ann. 1157. inter Probat. tom. 2. Hist. Occit. col. 562 :
Ad quæ renovanda et quadam novæ scripturæ pueritia convenustanda, providus ejusdem ecclesiæ Patronus et dignissimus archiepiscopus Berengarius humiles nostræ serenitati preces porrexit.
Patroni Regionum, Præcipui, nisi sint, quos ἀμφοδάρχας vocat Chronic. Alexandrin. Historia S. Clement. I. PP. :
Tunc comes sacrarum Publius Tarquinius, videns innumerabilem multitudinem Christo credere, invidia ductus, vocavit ad se Patronos regionum, et data eis pecunia, monuit ut seditionem excitarent nomini Christiano.
Acta S. Sebastiani tom. 2. Jan. pag. 276 :
Beatissima Zoe in Apostolorum natale dum ad Confessionem Petri apostoli oraret ab insidiantibus paganis arctatur, ducitur ad Patronum regionis Naumachiæ... tunc Patronus regionis misit eam in custodiam obscurissimam.
Ubi Patroni regionum iidem videntur qui sub urbis Præfecto civili politiæ invigilabant, nostris Commissaires de quartier. Patronus civitatis apud Gregor. M. lib. 9. epist. 69. Vide Savin. Histor. Jur. Roman. med. tempor. tom. 1. § 108.
les Bénédictins de St. Maur, 1733–1736.
Patronus, Dominus, Senior, Seigneur. Charta Hamelini Episc. Cenoman. in Tabul. Major. Mon. :
Hoc audientes et scientes tam monitu Juelli de Meduana Patroni ejusdem loci, quam clamore vulgi.
Infra :
Hoc approbante loci Patrono, etc.
In alia Charta ex eod. Tabul. :
Nobilis viri Juhelli de Meduana domini et Patroni ejusdem loci assensu.
Ratherius Episc. Veron. lib. 1. Præloq. apud Marten. tom. 9. Ampl. Collect. col. 805 :
Patronus, sive, ut usitatius a multis dici ambitur, senior es ?
P. Carpentier, 1766.
◊ Hinc Patronnée, pro Domina alicujus loci, in Cons. Petri de Font. cap. 18. cap. 74. pag. 115 :
S'eles (femmes) sunt Patronnées, et eles oient les quereles à cieus à qui elles ont franchis, etc.
les Bénédictins de St. Maur, 1733–1736.
Patronus Galeæ Navis, Nauclerus. Charta ann. 1326. in Tabular. S. Victoris Massil. :
Mandetis singulis Patronis galearum de dicta civitate recollectis ad gagia curiæ, ut, etc.
Computus ab ann. 1333. ad ann. 1336. tom. 2. Hist. Dalphin. pag. 278 :
Item, Angelono Patrono galeæ domini quos solverat Trombettæ Vice amirati de mandato domini, taren. ii... Item, pro loherio unius barcæ apud S. Restitutam retinuit Patronus taren. i.
Inferiores esse Capitaneis navium docet Bern. de Breydenbach in Itin. Hierosol. pag. 239 :
Eodem die misit Capitaneus navium Sirie nuncios per omnes galeas, et invitavit ad prandium alios Capitaneos et Patronos et omnes principales officiales navium et gubernatores et dominos.
les Bénédictins de St. Maur, 1733–1736.
Patronus Hospitii, Diversorii magister, caupo. Computus mox laudatus ibid. :
Item, Patrono hospitii in quo dominus fuit hospitatus de mandato dominæ Dalphinæ, taren. ii.
Vide Patronale hospitium.
les Bénédictins de St. Maur, 1733–1736.
Patronus, pro Patrinus. Annal. Bened. tom. 3. pag. 23 :
Patroni filiis suis symbolum et orationem Dominicam insinuent.
Vide Patrinus.
© École des chartes.
[]« 4 patronus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 221b. http://ducange.enc.sorbonne.fr/PATRONUS4
4. PATRONUS, Autographum, Gall. Original. Charta Frotarii episc. Petragor. regnante Hugone rege ex Cod. reg. 5851. A. :
Adalradus rogitus scripsit Patronum, et Iterius iterum in hoc libello conscripsit.
les Bénédictins de St. Maur, 1733–1736.
Patronus, exemplar, seu Charta enumerationis, in qua bona sua quis [] recenset, Gall. Dénombrement. Charta ann. circ. 1320. ex Regesto Noster fol. 440. v. :
Ordinatum est quod Thesaurarius abbas d'Elevin et domnus Michael Moza recipiant Patronos dictorum Judæorum, et sciant veritatem de valore, ut possint exigi dictæ xvm. libræ a Judæis prædictis. Et illud quod in Patronis non posuerint, confiscetur domino Regi.
© École des chartes.
[]« 5 patronus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 221c. http://ducange.enc.sorbonne.fr/PATRONUS5
5. PATRONUS, Archetypum, specimen. Charta ann. 1356. inter Probat. tom. 4. Hist. Occit. col. 237 :
Quod capitulariis Tolosæ.... habeant tradere Patronum dictæ monetæ, et quod dicti capitularii, vocatis gentibus regiis,.... possint facere assay.
Vide supra Patronare 2.
les Bénédictins de St. Maur, 1733–1736.
Patronus, Exemplar, nostris etiam Patron. Menoti Serm. fol. 120 :
O juvenes hic notetis
; voyés la forme et le Patron ou a été prinse vostre vie :
ecce formam et Patronum a quibus sumpta est vita vestra.
© École des chartes.