PECTA 1, Glossarium mediae et infimae latinitatis, Du Cange et al.

« 1 pecta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 236b. http://ducange.enc.sorbonne.fr/PECTA1

1. PECTA, Quævis præstatio, tributum, vectigal, emenda. Charta Aldefonsi Reg. pro Monast. Casæ Dei ann. 1216 :

Concedo medietatem de omni Pecta tam de homicidio quam de pedagio et de omni regali exactione quæ ratione viciniæ urbis in barrio S. Johannis exigentur.

Charta ann. circ. 1320. ex Regesto Noster fol. 440. v° :

Cum prædicti Judæi Navarræ nolint solvere dicta xv. librarum secundum taxationem Pectæ, sed secundum facultatem cujuslibet, etc.

Vide Facendeira et Pecha.

P. Carpentier, 1766.

◊ Charta ann. 1322. in Reg. A. Cam. Comput. Paris. fol. 160. v° :

Cum laboratores solvant in Pectis regis, pro viginti kaficiis bladorum servandorum, unum kaficium, etc. Pecoust,

eodem sensu, in Charta Caroli IV. ann. 1323. ex Reg. 62. Chartoph. reg. ch. 444 :

Cum Philippo de Valesio,..... domino ad vitam baroniæ Fulgeriarum, licentiam de gratia concesserimus speciali, ut ipse semel in vita sua, cum in dicta baronia hæreditates et terram acquisierit, ab hominibus ipsius terræ tailliam, dictam Pecoust, levare valeat, etc.

Idem proinde quod Auxilium pro emptione terræ. Vide supra in hac voce.

« 2 pecta » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 236b. http://ducange.enc.sorbonne.fr/PECTA2

2. PECTA, perperam pro Pecia, Pannus. Charta ann. 1019. tom. 1. Hist. Cassin. pag. 80. col. 2 :

Inveni autem hic unam Pectam sericam cum quatuor leones, quam ego undique adornari feci ex optimo pallio.