PECTINEUM Opus, Illud forte quod Galli vocamus Ouvrage au petit point. Pecten enim etiam radium, Gall. Navette, sonat. Visitatio Thesaurariæ S. Pauli Londinensis ann. 1295 :

Capta Fulconis Episcopi bene operata opere Pectineo auro et argento.

Alibi :

Vestimentum Fulconis Basset habet paruram de opere Pectineo, cum rosis, arboribus, floribus, et bestiis.

Occurrit ibi non semel. Pectinator, ϰτενιστής, in Gloss. Gr. Lat. Claudianus lib. 2. in Rufinum vers. 381 :

  ..... doctissimus artis

Quondam lanificæ, moderator pectinis unci.