2. PEDICA, Modus agri, idem forte quod peda dicitur, vel quod nos dicimus Piece de terre. Anastasius in Hadriano PP. pag. 119 :

Nec non et toto Ecclesiastico patrimonio, omnibus prædicans, et dividens ex sumptibus, etc.

Ubi codd. alii :

Et tota Ecclesiastica patrimonia omnibus per Pedicas dividens.

Sic Pedicans pro prædicans in priori codice legendum esset, ita ut pedicare, sit per pedes metiri. Charta Alexandri VI. PP. ann. 1255. apud Ughellum tom. 1. part. 1. pag. 68 :

Terram quæ vocatur Duo foca, et unam Pedicam terræ et dimidiam de Anserano, unum filum salinæ in Pedica S. Aureæ, et tres filos salinæ in Pedica ultra Tiberim, etc.

Occurrit etiam ibid. pag. 140. in Bulla Joannis XIX. PP. et in alia pag. 143. Chronic. Farfense apud Murator. tom. 2. part. 2. col. 524 :

Item Guinisius Negotians et Saxa jugalis ejus dederunt filum salinæ in Pedica veteri.