PEJERARIUM. Epistola 21. inter Cyprianicas :

Saluta Numeriam et Candidam, quæ secundum Pauli præceptum, et cæterorum Martyrum, quorum nomina subjicio, Bassi in Pejerario, Mappalici in quæstione, Fortunionis in carcere, Pauli a quæstione, Fortunatæ, Victorini, etc. qui Deo volente in carcere fame necati sunt.

Ubi Pamelius opinatur pejerarium dici locum tormentorum in quo multi fideles jam pejerarant. Nec scio an feliciori conjectura Ludovicus d'Orleans ad lib. 1. et 3. Annal. Taciti, Pejerarium dici carcerem, in quem conjiciebantur ii qui se perjurio maculassent, existimet. Melius, in fallor, Rigaltius conjicit legendum esse in Petrario, id est, in lapidicina.