PELEGIA, Rixa, jurgium, Gall. Querelle, contestation. Hispan. Pelea, Pugna, rixa. Statuta Arelat. MSS. art. 141 :

Nullus Arelatis sit ausus recipere in domo sua aliquem extraneum qui venit causa faciendi rixam seu Pelegiam in Arelate.

Statuta MSS. Forojul. ann. 1235. ex Archivis S. Victoris Massil. :

Quod si inter milites et homines in eodem castro vel ejus territorio Pelegia fiat seu rixa, vel furta, vel alia maligna, statuimus, etc.

Alia ann. 1292. ex iisdem Archivis :

Si homines diversorum pareriorum seu coheredum in uno castro Pelegiam faciant sive rixam inter se, etc.

Statuta Massil. lib. 1. cap. 11 :

Attamen ista faciant eo salvo quod dicti syndici vel actores non possint vel debeant aliquam controversiam seu causam movere, nomine vel occasione dicti communis, ex qua discordia vel Pelegia maxima creari possit in Massilia vel oriri.

Charta ann. 1261. in Tabular. S. Victoris Massil. :

Requisitus a D. Abbate S. Victoris si fuerint aliqui excommunicati in electione de se facta : dixit quod duo verberatores monachorum non fuerunt presentes, sed Prior claustralis et quidam alii monachi qui fuerunt in Pelegia cum illis duobus fuerunt præsentes in electione predicta.

Vide Pelejare.