PENTICIUM, Appendix ædis, gurgustium, tuguriolum parieti affixum, adjunctum, nostris Appentis, Anglis Penthouse vel Pentise. Regula Fratrum domus S. Juliani Juxta S. Albanum in Anglia :

Similiter inhibemus ne stationes fiant in Penticio, quod se extendit in longitudine ante domus fratrum versus viam regiam : neque quisquam fratrum teneat ibi parliamentum cum alio fratre, sed si quis fratrum voluerit habere colloquium cum aliquo fratre, transeat ordinate per dictum Pentitium unusquisque alter ad alterum pro libito suo sine statione, etc.

Thomas Walsinghamus in Ricardo II. pag. 259 :

Intravit quidam cum gladio et parma Penticium Abbatis, audacter petens centum marcas ab Abbate donari sibi, etc.

Infra :

In camera Abbatis, in capella, in Penticio pro libito deambulabant.