PERSPICILIA, Conspicilla, Gall. Lunettes. Acta capit. eccl. S. Petri Insul. ad ann. 1539. ex Reg. L. fol. 90. v°. :

Recreati sunt ludo tabularum, una cum domino præside cameræ computorum et domino Barberio canonico... Antequam denuo luderet præfatus Barberius, facta fuit mentio debitorum per eumdem Barberium, ipso videlicet deponente asserente esse quinque, e contrario dicto Barberio esse tantum quatuor per eum debita. Tandem post aliquantas rixas dictus Barberius impegit pugnum apertum in faciem ejusdem deponentis, qui tunc habebat sua Perspicilia in naso.

Vide supra Ocularia.