3. PETRARIA, λιτοϐόλος et λιτοϐόλον, Athenæo lib. 5. et Heroni in Belopœecis, etc. Evagrius lib. 5. cap. 10 :

Καὶ μάλιστα τοὺς ϰαταπέλτας ἐξ ὑπερδεξίων ῥιπτοῦντας οὕς Ὰιτοϐόλους ἡ συνήθεια ϰαλεῖ.

Ugutio :

Tormentum, quod vulgo dicitur Petraria, vel mangonum.

Gallis Perriere. Epist. Balduini Imper. CP. ann. 1204 : apud Miræum tom. 1. pag. 111 :

Nihilominus tamen inter quaslibet duas turres seu Petraria seu mangonellum erigitur.

Willelm. Tyrius lib. 8. cap. 6 :

Machinas jaculatorias, quas mangana vel Petrarias vocant.

Ita lib. 15. cap. 9. lib. 19. cap. 27. Paulus Warnefridus lib. 5. de Gest. Longob. cap. 8 :

Belli machina, quam Petrariam vocant.

Anastasius in Gregorio IV. PP. :

Et desuper ad inimicos, si venerint, expugnandos, Petrarias nobili arte composuit.

Guillelmus Apul. lib. de Gestis Normann. :

.... turrim fabricat, quæ lignea muris

Prominet, ac juxta de quaque Petraria parte

Ponit, et adjuncto muros quæ evertere possit

Diversi generis tormento.

Et lib. 3 :

Et valido cum forte Ducis Petraria saxi

Ictu dimissi percussa fuisset ab alto.

Vocem usurpant passim Scriptores, Annales Francor. Loiselliani et Bertiniani ann. 776. Historia Hieros. pag. 1154. Fulcherius Carnot. lib. 1. Histor. Hieros. cap. 4. 18. Willelm. Brito in Philippide pag. 110. 119. 170. 180. Jacobus de Vitriaco in Epist. de Captione Damiatæ pag. 1148. Radulphus de Diceto pag. 623. 661. Monachus Florentin. de Expugn. Accon. pag. 232. 233. Otto Morena in Histor. Rerum Laud. non uno loco, etc. Ex quibus emendare licet Vitam S. Joannis Episc. Tragur. pag. 5 :

Machinam, quæ vulgo T. Artæria dicitur, erexerunt.

Legendum enim Petraria suadent sequentia. Vide Glossarium ad Vilharduinum, Lipsium lib. 3. Poliorcet. Dial. 3. Felicem Osium in Not. ad Morenam pag. 83. etc. MS. :

Si garnissiez si vos chasteax

De Perieres, de mangoneax.

MS. :

Et deux (portaus) en coste, et un derriere

Qui ne doute cop de Perriere....

Dedens le chastel out Perrieres

Et engins de maintes manieres.