PIGMENTUS, Bene olens. Vita S. Romani Archiepisc. Rotomag. metrice scripta apud Marten. tom. 3. Anecd. col. 1657 :

Stella maris, portus, Pigmentis consitus hortis.

Haud scio tamen an legendum sit hortus, adeo ut pigmentum sit substantivum et quamlibet herbam odoriferam significet. Leg. Pigmentum ; adeo ut substantivum sit, quo Melissa hortensis, Gall. Melisse vel Citronnelle, significatur, quam vulgus Normannorum etiamnunc Piment appellat : atque eo sensu intelligendum Pigmentum, quod rurales ecclesiæ alternis vicibus ad festum Assumptionis B. M. cathedrali Parisiensi præstare tenebantur ; cujus præstationis mentio fit apud Sauval. tom. 2. Antiq. Paris. pag. 459. et D. Le Beuf tom. 8. Hist. diœc. Paris. pag. 483. et alibi. Pieument, pari significatu. Cæterum Empimenter dixerunt Poetæ nostrates pro suavi et grato odore perfundere. Le Roman d'Athis MS. :

Parmi la salle Empimentée,

De lis, de glaiaire enjonchée,

De roses fresches et nouvelles.

Enpieumenter, in Mirac. B. M. V. Mss. lib. 1 :

Si Empieumente ses floretes,

Ses flors de lis, ses violetes,

Ki entour li vont et repairent,

Que plus souef que Pieument flairent.