PISCATORES, in commercio perinde ac servi et coloni. Charta Ludovici Pii Imper. in Chronico Farfensi :

Curtibus, villis, piscationibus cum Piscatoribus suis, servis, ancillis, etc.

Ibidem pag. 664 :

Et Piscatorem nomine Aunefridum, et fratres ejus, manentes in territorio Reatino, in loco qui dicitur Semptempontius, cum uxoribus et filiis eorum, terris ac domibus eorum, et piscationem, quam ipsi facere consueverunt cum omnibus rebus suis.

Aiia Charta apud Hieron. Vignerium in Stemmate Alsatico pag. 105 :

Quidquid ibi possideo apud Domnum Remigium, Fulcodum Piscatorem cum omni familia sua.

Tabularium Montismajoris apud Rufium in Comitibus Provinciæ pag. 61 :

Videlicet Piscatores cum omni censu piscium, quod mihi facere debent, qui in villa manent Cotignavicis, etc.

Ordericus Vitalis lib. 4. pag. 466 :

Dedit... et duos Piscatores de Tervanto.

Petrus Diac. lib. 4. Chr. Casin. cap. 20 :

Cum omnibus pertinentiis suis, ac rebus, et uno servitio Piscatorum.

Tabularium S. Albini Andegav :

Et cum una masura terræ, concesso eis uno Piscatore in aqua ibi fluente.

Adde Spicilegium Acherianum tom. 13. pag. 289.