« »
 
[]« Pitalfus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 337c. http://ducange.enc.sorbonne.fr/PITALFUS
PITALFUS, Vas vinarium, lagena major, idem quod aliis Bota vel Butta dicitur. Vide in hac voce. Forte a Gr. πίθος, dolium, urceus, πιθάϰνη, doliolum. Vide Pitharia. Vetus Ceremon. MS. B. M. Deauratæ Tolos. :
Item postea prior mittit unum de servitoribus ad clavigerium... pro duobus Pitalfis sive botis vini.
Tabular. Eccl. Vivar. :
Singulis diebus librabatur cuilibet Canonico mesagium panis, id est quinque panis libræ, de vino autem ad mensuram trium Pitalforum.
Pontificale MS. Eccles. Santon. ann. 400 :
Electus ex consuetudine S. Romanæ Ecclesiæ offerat Episcopo duos panes et duos Pitalfos vini et duos ardentes cereos.
Inquisit. pro Canonisat. S. Yvonis MS. :
Vicarius D. Yvonis posuit panem suum super quoddam lignum ubi custodiebantur Pitalfi.
Ibidem :
Cum essent appositæ carnes, D. Yvo fingebat se comedere, sed non comedebat nisi de pane, et aquam solam bibebat, quam accipiebat de quodam Pitalfo.
les Bénédictins de St. Maur, 1733–1736.
Pitalphus, Pytalphus, Eadem notione. Tabul. Piperac. ann. 1394 :
Tenebuntur offerre in Missa obitus unum Pitalphum vini, unum Panem cum una candela cerea.
Charta ann. 1336. in Tabular. Episcopat. Massil. :
Novem tassis diversarum formarum, uno Pytalpho pro vino, etc.
P. Carpentier, 1766.
Pitalpha, Vas vinarium, idem quod Pitalfus. Inventar. ann. 1476. ex Tabul. Flamar. :
Item plus dixit se invenisse tres justas sive Pitalphas stagni.
Ibid. :
Item aliam Pitalpham rotondam stagni, absque coopertorio unius quarti.
P. Carpentier, 1766.
Pitalphius, Pitalphus, Pari intellectu. Instr. ann. 1372. ex Tabul. S. Vict. Massil. :
Quidam de famulis castellani loci de Durbano portavit ad quamdam bordam quemdam Pitalphium vino plenum.
Ibid. :
Cum quodam Pitalpho stagni, etc.
Occurrit præterea in Comput. ann. 1482. inter Probat. tom. 4. Hist. [] Nem. pag. 20. col. 1. Vide supra Pintalphus.
les Bénédictins de St. Maur, 1733–1736.
Pitelfus, Eodem significatu, in Litt. Humberti II. ann. 1347. tom. 2. Hist. Dalphin. pag. 567 :
Omnes habebitis unum librum de candelis ceræ, et de vino unum Pitelfum inter duos pro collatione facienda.
© École des chartes.