1. PIXIS, Pyxis, Machinæ bellicæ species, Germanis Biech, ut auctor est Freherus. Thwroczius in Joanne Huniade cap. 46 :

Ac castris bellicis machinarum, Pixidum, ac aliorum tormentorum hostem ferientium ingeniis munitis et refertis.

Et cap. 48 :

Fortuito ictu Pixidis ad mortem vulneratus.

Ita MS. præferre monet idem Freherus. Bibaldus Birckheimerus lib. 2. de Bello Helvetico :

Confestimque non parvam Pyxidum (bombardas Itali a sono vocant) cum magistris et pulvere mittit sulphureo.

Infra :

Hi præter suorum cædem, duas etiam Pyxides, quas colubrinas vocant, perdiderant.

Occurrit etiam apud Laur. Byzinium de Orig. belli Hussitici tom. 6. Reliq. MSS. Ludewig. pag. 172. Germ. hodie Büchse.