PLACEA 1, Glossarium mediae et infimae latinitatis, Du Cange et al.

« 1 placea » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 340c. http://ducange.enc.sorbonne.fr/PLACEA1

1. PLACEA, Locus, ex Gallica voce Place, quæ a Germanico Plats, campus, forte orta ; vel potius a Gr. πλατεῖα, unde Lat. platea non absimili notione. Vetus Charta apud Waddingum ann. 1231. 53 :

Confirmavi.... Placeam terræ, quæ se extendit in longitudine, etc.

Charta ann. 1291. in Chartular. Domus Dei Pontisar. :

Dicens se habere et percipere singulis annis super domum..... sitam..... inter domum dicti Joannis olearii ex una parte, et Placeam seu masuram magistri Mathæi Bartholomei, etc.

Monasticum Anglic. tom. 1. pag. 111 :

Placea, ubi nunc turris stat.

Adde pag. 408. Willelm. Thorn. pag. 1940. 2036. Madox in Formul. Anglic. pag. 89. et 310. etc. Vide Placia 2.

les Bénédictins de St. Maur, 1733–1736.

Placea, Arx, castrum, locus munitus ; Place eadem notione dicimus. Litteræ Henrici IV. Reg. Angliæ ann. 1409. apud Rymer. tom. 8. pag. 611 :

Quidam Monot de Cantelope armiger, qui castrum illud nuper emit... dicendo se hæreditarium et dominum dictæ Placeæ de Camarssac, Placeam illam fortificare incepit, et in dies fortificat.

P. Carpentier, 1766.

◊ Plache nostris, domus, ubi congregantur mercatores seu artifices de rebus suis disputaturi. Charta ann. 1319. in Reg. 59. Chartoph. reg. ch. 414 :

Les tisserans avoient Plache en la ville de Rouen pour eus alouer, jouste une maison que l'en appelle Damiete ; et en ladite Plache, quand il y assemblaient pour eux alouer, il firent compilations, taquehans ;.... pour lesquiex meiffaiz la Plache leur fu ostée,... et depuis chu temps, eus ont eu certaine maniere de eus alouer sans Plache avoir.