PLANTA 2, Glossarium mediae et infimae latinitatis, Du Cange et al.

« 2 planta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 354b. http://ducange.enc.sorbonne.fr/PLANTA2

2. PLANTA, Locus, ager vitibus vel arboribus consitus, idem quod Plantata. Charta ann. 874. tom. 2. Spicil. Acher. pag. 588 :

Mansa in gyro monasterii sita, et ut vulgo loquamur, clausi vinearum, scilicet ille qui adhæret monasterio, et campaniæ, Plantæ abundantia, curticanus, et clausellus de Patriniaco.

Charta ann. 1286. in Chartul. S. Vandreg. tom. 2. pag. 1392 :

Et siti sunt duo solidi prædicti supra unam Plantam, quæ vocatur Longa rea.

MS. :

Freres estoient ambdos jumel,

Pais avoient buen et biel,

Et riche Plainteif tot dis, (tous deux)

C'est li regne de Focedis.

Gallicum Totdis male redditur Tous deux ; ibi enim Aussi, pareillement, itidem, pariter, sonat : alibi vero semper, vulgo Toujours.

P. Carpentier, 1766.

◊ Nostris Plante, eadem acceptione. Charta ann. 1190. in Chartul. Buxer. part. 8. ch. 3 :

Minori nepti meæ Clemenciæ dedi Plantam, quæ est retro Mirandam, debentem viij. denarios censuales.

Alia ann. 1255. ex Chartul. Campan. fol. 439. col. 1 :

In molendino novo decem solidos, tribus denariis minus, annui redditus, et super Plantas as Barbez octo solidos annui census.

Inventar. ann. 1476. ex Tabul. Flamar. :

Item plus unam petiam prati... confrontatam ab una parte cum terra et Planta dom. Joannis de Condomina.

Charta ann. 1375. in Tabul. S. Joan. Laudun. :

Sur la Plante Andriu le Couvreur seant à Miremont, trois solz Parisis.

Vide infra Plantica et Plantitium.