PLANTUM 1, Glossarium mediae et infimae latinitatis, Du Cange et al.

« 1 plantum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 356a. http://ducange.enc.sorbonne.fr/PLANTUM

1. PLANTUM, Ager jure usufructuario ad plantandas vineas certis conditionibus datus.

Dare ad medium plantum

dicunt, cum ea lege conceditur ager, ut inde fructuum partem habeat dominus fundi, alteram colonus veluti ex sibi proprio agro. Charta undecimi sæculi in Chartul. Aptensi fol. 58 :

Mea ingruente atra necessitate precio xiii. solidorum quandam semodiatam vineæ, quam ex medio Plantu manuum mearum adquisivi, vendo.

Quæ expressius habenturin Charta ann. 43. Chunradi Reg. ibidem fol. 25 :

Donat ipsam terram per talem convenientiam, ut ille Allaldus illam terram ad terminum legis, id est, per septem annos bene plantare vites et prapagare, atque ædificare studeat, et cum ad ipsum terminum bene advineata fuerit, prænominatus Episcopus (Teudrichus) unam medietatem de ipsa vinea recipiat, aliam autem medietatem ipse Allaldus et uxor ejus pro sua ædificatione habeant.

Ex his quam facillime intelligere licet quid sit in aliis Chartis, dare medium plantum. Plura vide in Complantare.

P. Carpentier, 1766.

◊ Consuet. novæ bastidæ de Trya ann. 1325. in Reg. 64. Chartoph. reg. ch. 54 :

Quod si aliquæ placiæ concederentur ad medium bastimentum, seu terræ ad plantandum vineas ad medium Plantum, quod inde vendæ... non solvantur.

Id est, ea lege ut plantationis expensæ partito fiant. Vide supra Plantatio.

les Bénédictins de St. Maur, 1733–1736.

Plantus, Eadem notione. Placitum ann. 878. inter Probat. tom. 1. novæ Hist. Occitan. col. 136 :

Hietarius et Ingilbaldus de illorum partibus in contra Fulcradane (guirpierunt) omnes Plantos, etc.

les Bénédictins de St. Maur, 1733–1736.

Plantum, a Gall. Plant, locus arboribus consitus. Charta ann. 1347. tom. 1. Hist. Dalphin. pag. 67 :

Item fuit injunctum dicto Cellarerio quod... plantare faciat Plantum albapinorum ubi deficiant, cum expensis domini. Item quod ponatur bannum quod nulla animalia veniant nec intrent Plantum prædictum.