« »
 
PLATEA 1, PLATEA 2, PLATEA 3, PLATEA 4, PLATEATICUM, PLATHEA.
[]« 1 platea » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 359b. http://ducange.enc.sorbonne.fr/PLATEA1
1. PLATEA. Gregorius Turon. lib. 2. Hist. cap. 31. de Baptismi Chlodovei solennibus :
Velis depictis adumbrantur Plateæ Ecclesiæ, curtinis albentibus adornantur, baptisterium componitur, etc.
Ubi Plateas Ecclesiæ porticus interiores interpretor.
© École des chartes.
[]« 2 platea » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 359b. http://ducange.enc.sorbonne.fr/PLATEA2
2. PLATEA. Locus vacuus, ager incultus, a Gall. Place. Decretum Philippi III. Reg. Franc. ann. 1282. inter Instr. tom. 2. Gall. Christ. col. 147 :
Quod muri, turres murorum, tornellæ, fossata et pertinentiæ[] eorum,... Plateæ vacuæ quæ vocantur froci, pertinent ad Ecclesiam supradictam.
Tabular. B. Magdal. Castrodun. fol. 55 :
Ego vendidi Sancio majori quatuor Platas, quæque de una tesia, tali pacto quod quæque Platea redderet quatuor denarios censuales.
Tabular. Brivatense fol. 193 :
Per traditionem clavis cortilis seu Plateæ de Chalas.
Fol. 196 :
De cognitione et jurisdictione delz mezes, seu Platearum vacuarum, fossatorum, etc.
Vide Peda 2.
P. Carpentier, 1766.
◊ Platte, eodem sensu, in Reg. 13. Corb. sign. Habacuc ad ann. 1510. fol. 30 :
Le surplus desdites terres de ledite cense ledit prendeur les trouvera wides et Plattes.
les Bénédictins de St. Maur, 1733–1736.
Platea, Ager cum mansione, seu domo. Charta ann. 1212. ex Chartul. S. Aviti Aurel. :
Venit ad nos Gotherius de Brissiaco humiliter rogans ut Plateam unam in claustro S. Aviti sitam juxta puteum, quam Johanni Vallot servienti suo dederat ad hospitandum, liberam et immunem a relevationibus et venditionibus, ab omni exactione et gravamine sigilli nostri auctoritate confirmaremus : voluit etiam supradictus Goherius et Johannes Vallot in Platea sive domo ibi sita, etc. Et quia Platea sive domus claustralis existit, etc.
les Bénédictins de St. Maur, 1733–1736.
Platea Terræ, Modus agri qui colitur, quomodo supra Pecia. Chartular. S. Vandreg. tom. 1. pag. 20 :
Concessi.... unam Plateam terræ sicut se præportat de longo in latum, cum gardino eidem masuræ pertinente. Plage,
in Charta ann. 1290. ex eod. Chartular. pag. 1009 :
Ai vendu et otroié.... por sessante sis sols d'annuel rente Tornois assis sur la Plage as dis Religieux.... laquelle Plage est assise en ladite paroisse de Caudebec.
© École des chartes.
[]« 3 platea » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 359c. http://ducange.enc.sorbonne.fr/PLATEA3
3. PLATEA, Via publica. Dietmarus in Chronico Mersburg. lib. 1. cap. 3. apud Ludewig. tom. 3. Reliq. MSS. pag. 55 :
Non longe a prædicto amne in Pago Chutizi dicto Arnus, Episcopus S. Wirceburgensis Ecclesiæ nonus, cum ab expeditione Boiemorum reversus, juxta Plateam in parte Septentrionali, fixo super unum collem tentorio, Missam caneret, etc.
Chron. Angl. Th. Otterb. pag. 5 :
Plateas etiam habet (Anglia) quatuor principales, quarum prima et maxima, Fossa scilicet ab austro extenditur in boream, etc.
Vide Forcellinum.
© École des chartes.
[]« 4 platea » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 359c. http://ducange.enc.sorbonne.fr/PLATEA4
4. PLATEA, Locus ubi quis stat, Gall. Place. Litteræ Philippi Aug. Reg. Franc. ann. 1215. apud Lobinell. tom. 3. Histor. Paris. pag. 95 :
Duo vel tres ex burgensibus Paris. prima die Maii convenient Præpositum S. Dionysii in loco in quo indictum solet convenire, et ipsi denunciabunt quod ipsi volunt capere Plateas suas et signare logias suas ad opus indicti.
Statuta Massil. lib. 4. cap. 25 :
Constituimus ut cuilibet peregrino detur Platea duorum palmorum, et dimidii cannæ in latitudine, et in longitudine septem palmorum, ..... pro equo detur Platea in latitudine trium palmorum, quæ Plateæ ex quo domini navium inde pretium habuerint, nullatenus minuantur.
Occurrit ibi pluries.
les Bénédictins de St. Maur, 1733–1736.
Platea, Tributum. Vide Plateaticum.
les Bénédictins de St. Maur, 1733–1736.
Platea Fortis, Arx, castrum, locus munitus, Gall. Place forte. Charta ann. 1471. apud Lobinell. tom. 2. Hist. Britan. pag. 1320 :
Villamque seu villagium cum castro sive Platea forti, etc.
les Bénédictins de St. Maur, 1733–1736.
Plathea, pro Platea, in Charta ann. 1386. ex Schedis D. Lancelot :
Acta fuerunt hæc in Plathea dicti loci præsentibus testibus, etc.
© École des chartes.
[]« Plateaticum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 360a. http://ducange.enc.sorbonne.fr/PLATEATICUM
PLATEATICUM, Tributum, quod in plateis, seu pro transitu platearum, id est viarum publicarum, præstatur : vox deinde pro quibusvis tributis usurpata. Leo Ostiensis lib. 1. cap. 59. (al. 56) :
Ut in tota civitate Neapolis nullum Plateaticum, sive portaticum nostri Monachi aliquando darent.
Lib. 3. cap. 60. (al. 61.) :
Et ut nullum Plateaticum vel portaticum Monachi nostri aliquando darent in omni jure et ditione potestatis suæ.
Charta Caroli II. Regis Siciliæ ann. 1303 :
De.... jure Plateatici, seu passagii.
Platea, et Jus Plateæ dicitur etiam in veteribus Tabulis. Charta Friderici I. Imp. ann. 1185. tom. 2. Ughelli pag. 762 :
Ut tales justitiæ, quæ vel de placito, vel de bando, vel de mercato, sive de Platea, vel de pontibus.... proveniunt, etc.
Adde pag. 764. Charta ann. 1134. apud Rocchum Pirrum in Episcop. Catan. :
Concessi etiam præfatæ Ecclesiæ totam terram meam, venditiones, emptiones, libere absque omni jure Plateæ, libera pascua, glandes, etc.
Charta ann. 1215. apud Ughellum tom. 7. Ital. sacræ pag. 1329 :
Quod bona et spontanea voluntate nostra jus nostrum Plateæ die Sabbati, quod habemus in mercato civitatis Pennensis, ad nos specialiter spectans... in perpepetuum remittimus, etc.
Plateaticum, Quodvis tributum. Epistola Innocentii III. PP. ann. 1211. apud Ughellum tom. 1. part. 1. pag. 783 :
De rebus tamen ipsius Episcopi, ut dictum est, venditis, aut quoquam transmissis, Plateaticum remittimus.
Charta Rogerii Regis Siciliæ ann. 1137. tom. 7. ejusdem Ughelli pag. 564 :
Plateaticum etiam sandalium, et lenticum, quæ veniunt de Calabria, Sicilia, et Lucania, similiter eis condonamus, Plateaticum quoque piscium, quos Salernitani capiunt, eis iterum dimittimus.
Charta Rogerii et Boëmundi Ducum Apuliæ apud Baronium ann. 1090. num. 18 :
Utrumque autem Plateaticum emptionis et venditionis omnium rerum, quas pars Monasterii cum quibuscumque contraxerit, eis ubique pariter condonamus.
Charta Friderici II. Imperat. ann. 1209. apud Rocchum Pirrum tom. 2. pag. 637 :
Concedentes.... ut de fructibus ipsarum domorum libere de cætero sine datione aliqua, sine Plateatico, passagio et portulatico mittere, introducere, et exhibere liceat, tam per mare, quam per terram, tam per portas, quam per portus, et passagia, etc.
Alia ejusdem Imperat. ann. 1226 :
Super redditibus, vulgariter Plateaticis appellatis.
Occurrit vox plateaticum passim in vett. Tabulis apud eumdem Ughell. tom. 1. pag. 298. tom. 7. pag. 1133. 1362. tom. 8. pag. 79. 201. 321. 658. tom. 9. pag. 99. 273. Rocchum Pirrum tom. 2. pag. 632. Guichenonum in Prob. Histor. Sabaud. pag. 74. 93. in Constitut. Sicul. lib. 1. tit. 59. § 2. in Bullario Casinensi tom. 2. pag. 175. etc. Vide Murator. Antiq. Ital. tom. 2. col. 11. sqq.
Platearii, Plateatici exactores. Charta Rogerii Ducis Siciliæ ann. 1088 :
Præcipimus itaque et omnino confirmamus, [] Stratigotis, Præsopiis, Vicecomitibus, Gromarthiis (Turmarchis), Plateariis, et omnibus aliis, qui sub nostra potestate sunt, ut nullus ausus sit eos angariare, sive Platearios laicales reditus ab eis exigere, etc.
Constit. Siculæ lib. 1. tit. 76 :
Rapinas, quas gabelloti, forestarii, Platearii, portionarii, seu passagerii...... exercent.
Adde Ughellum tom. 1. pag. 995. et tom. 9. pag. 651.
© École des chartes.
[]« Plathea » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 360c. http://ducange.enc.sorbonne.fr/PLATHEA
PLATHEA, Parcus, seu locus palis vel virgulis implexis conclusus, idem quod supra Plassearium. Charta Joan. de Cabil. episc. Lingon. ann. 1331. in Chartul. ejusd. eccl. fol. 272. v° :
Item octies viginti vel circa arpenta nemorum vestitorum, sine Platheis, quæ ascendunt ad sexaginta arpenta, franca domino sine usagiariis,..... et alia sexaginta arpenta de Platheis, valere possunt quadraginta solidos.
Vide alia notione in Platea.
© École des chartes.