PLOSTELLUM. Miracula S. Joan. Beverlac. num. 5 :

Qui antea in motu suo effigiem repræsentaverat belluinam, in suæ tamen erectionis initio pyramidis usus est appodiamento, ad modum pueri Plostello innixi, et humum pene signantis mento.

Vox, ut videtur deducta a plaustrum, ut recte conjectat Papebrochius, qui vehiculum interpretatur, cui axillarum tenus innixi pueri prohibentur a lapsu, dum interim illud corporis nixu protrudentes formare gressum discunt. Vide Plaustellum.