POLANUS, Glossarium mediae et infimae latinitatis, Du Cange et al.

« Polanus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 393a. http://ducange.enc.sorbonne.fr/POLANUS

POLANUS, Trochlea, ni fallor, nostris Poulie ; nisi sit machina devolvendis doliis apta, quam Poulain nuncupamus. Tabularium Episcopat. Autisiodor. :

Costumæ de cordis, Polanis, et minagium sunt Comitis.

Poulanus, ibidem :

Ille baillivus debet conreer habentem chordas et Poulanos.

P. Carpentier, 1766.

◊ Sed et vehiculi species sine rotis, seu traha vehicularis, eodem nomine appellatur : quo ultimo sensu occurrit in Chartul. Fossat. fol. 2. v°. :

Item pro quolibet dolio vini ibidem vendito, et non amoto vel ducto de loco ad locum infra villam ad Poulains, quatuor denarii debentur.

Poulenagium, Præstatio pro polanis, seu trochleis, quibus dolia e navibus in littus educuntur. Idem Tabularium :

Omnes tam foranei quam de villa, qui adducunt vinum ad portum, dolium debet 6. den. et 4. den. de Poulenagio et 2. den. pro minagio. Poulenagium illorum qui sunt de foris et de villa ; omnibus diebus quibus aliquis ducit ad ripam, Polanus debet 4. den.

Et infra :

Dolium ductum extra villam.... debet 6. den. de Poulenagio, et si emptum fuerit, debet roagium et minagium cujuscumque modiationis sit, et Poulenagium, nisi oneratum fuerit ad situlam super axem.