POLIS, Urbs, πόλις. Elmham. in Vita Henrici V. Reg. Angl. edit. Hearnii cap. 65. pag. 185 :

Sed dum ipsa Polis (Rothomagensis) tam numerosa pugnantum multitudine superbiret, etc.

Græcismus :

Urbs est dicta Polis, dicuntur plurima polis.

Epitaphium quod habetur apud Ughellum tom. 7. Ital. sacr. pag. 894 :

Hos rea mors rapuit, Reatina Polis sepelivit.

Bondelmontius in Descript. Constantinopolitana :

Tertiaque quarta columnarum quasi in medio Polis sunt positæ.

Vide ibi Notas nostras. Ruodlieb. fr. 3. vers. 322 :

Ex una parte lancis nummos posuere

Ex auro factos et in igne sat examinatos,

A Pole Byzante quibus agnomen tribuere,

Est quibus insculpta græce circum titulata

Istac majestas, illac regisque potestas.