POLVERAGIUM, Polvoragium, Tributum, quod ab animalibus vel carris per viam publicam transeuntibus exigebatur : interdum idem quod Pedagium. Charta ann. 1271. inter Probat. tom. 1. Hist. Nem. pag. 95. col. 2 :

Possint uti vel debeant juridictione omnimoda et Polveragio in castro de Bana et ejus mandamento.

Alia ann. 1397. ibid. tom. 3. pag. 144. col. 1 :

Totum et universum emolumentum annatæ proximæ instantis, de proximo proventurum et habiturum ex facto Polveragii animalium lanutorum et aliorum ex facto Polveragii animalium lanutorum et aliorum extraneorum, per territorium et districtum Nemausi transeuntium et ad montaneas causa æstivandi accedentium.

Ubi non semel. Libert. Bellib. ann. 1313. tom. 8. Ordinat. reg. Franc. pag. 162. art. 21 :

Liberi et immunes ab omnibus toltis,... Polvoragiis de somey, de charre, etc.

Vide Pulveraticum.