PORPHYROGENITUS, in purpura, patre Imperatore genitus. Græcis πορφυρογεννήτης. Luitprandus in Legatione cap. 15 :

Inaudita res est, ut Porphyrogeniti Porphyrogenita, hoc est in purpura nati filia, in purpura nata, gentibus misceatur.

Infra cap. 16 :

Sed Christophorus, aiunt, non Porphyrogenitus fuit.

Vide eumdem in Antapod. lib. 1. cap. 6. et lib. 3. cap. 30. Vide quæ de hac voce adnotamus ad Alexiadem, infra in Purpurati, et Glossar. med. Græcit. voce Πορφυρογεννήτης.