3. PORTA, Domus hospitum in monasteriis, quod ad portam monasterii exstructa esset ; eadem de causa Porta apud monachos appellabatur Locus, ubi pauperibus eleemosynæ distribuebantur ; sed et reditus ejusmodi eleemosynis assignatus. Charta ann. 886. tom. 9. Collect. Histor. Franc. pag. 353 :

Quinciacus cum integritate, et Cociacus, quas ipsi fratres de portione sua ad Portam deputaverunt excipiendis monachis et cæteris familiaribus suis.

Alia ann. 900. ibid. pag. 488 :

De nominatis villis vel locis, seu etiam ex villis ad hospitale nobilium, quod Porta vocatur, pertinentibus,... quidquam diminuere... præsumat,

Charta Theob. comit. ann. 1250. in Chartul. Campan. ex Cam. Comput. Paris. :

Item acquisita ad usum Portæ Clarevallensis pro pauperibus, sunt ista quæ sequuntur : medietas grossarum et minutarum decimarum de Bretenaio, de Condes, de Joncherio et de Domo Armandi, quas decimas habet Porta Clarevallensis a Renerio de Amborivilla.

Alia Mariæ dom. de Nantholio ann. 1251. ibid. fol. 330. v°. col. 1 :

Aumona au lit de la mort messires Gaucher li Granz dix livres de Provenisiens chascun an à la Porte d'Igni, por doner cotes as mesiax de sa terre.

Vide infra Portaria.