PORTIFORIUM, Glossarium mediae et infimae latinitatis, Du Cange et al.

« Portiforium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 425b. http://ducange.enc.sorbonne.fr/PORTIFORIUM

PORTIFORIUM. Ingulfus pag. 907 :

Restituit Monasterio nostro calicem quondam capellæ suæ, unum Portiforium de usu nostræ Ecclesiæ, et unum Missale, etc.

Visitatio Thesaurariæ S. Pauli Londinensis ann. 1295 :

Unum Portiforium plenarium cum nota veteri, non regulariter.

Bibliotheca Paulina, ibidem :

Liber vocatus Portiforium antiquum, secundum usum Sarum, etc.

Vide tom. 3. Monastici Anglic. pag. 364. et part. 2. pag. 79. Laudatur a Pitseo in libro de Scriptoribus Angl. Oswaldi Cartusiani, qui vixit ann. 1450. liber qui Portiforium inscribitur.

les Bénédictins de St. Maur, 1733–1736.

◊ Quid sit Portiforium discimus ex Breviario Londini edito ann. 1555. quod inscribitur :

Portiforium seu Breviarium ad insignis Ecclesiæ Sarisbur. usum accuratissime castigatum, cum multis annotatiunculis, etc.

Infra :

Incipit ordo Breviarii seu Portiforii, etc.

Vocis etymon ab eo quod foras facile portari possit accersendum opinor.

P. Carpentier, 1766.

◊ Vocis etymon, quod scilicet foras facile portari possit, firmat vox Gallica Portehors, qua Portiforium redditur, in Lit. remiss. ann. 1401. ex Reg. 156. Chartoph. reg. ch. 252 :

Icellui Jehannin print en ladite chambre un livre, nommé breviaire ou Portehors, fermant à deux petits fermeils d'argent.

les Bénédictins de St. Maur, 1733–1736.

Portiphorium, Eadem notione. Testam. Rotherami Eborac. Episc. ann. 1498. in Lib. nig. Scaccarii pag. 675 :

Item unum Portiphorium, secundum usum Eboracensem.