PORTULANI, Glossarium mediae et infimae latinitatis, Du Cange et al.

« Portulani » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 427a. http://ducange.enc.sorbonne.fr/PORTULANI

PORTULANI, Qui portubus maris, vel fluminum, eoque nomine navibus quæ in statione sunt, præsunt. Statutum Honorii IV. pro Regni Neapol. incolis ann. 1285 :

Deferentes præmissa emptitia dent particulari Portulano loci, in quo fiet oneratio eorumdem, fidejussoriam cautionem.

Horum munus pluribus describitur a Petro de Vineis lib. 2. Epist. 36. Itali Portolano vocant, libro dove sono descritti porti del mare. Exstat editus Venetiis ann. 1576. cum il consolato del mare. Habetur etiam Gallice editus. Vide Turcogræciam Crusii pag. 525.

les Bénédictins de St. Maur, 1733–1736.

◊ Alii videntur Portulani Papæ memorati a Laur. Byzinio de Orig. belli Hussitici apud Ludewig. tom. 6. Reliq. MSS. pag. 126 :

Cui quidem Concilio (Constantiensi) ipse Johannes Papa XXIII. personaliter interfuit....... Item Portulani Papæ 24.

Ubi Portulanos quosvis tributorum exactores interpretor.

P. Carpentier, 1766.

◊ Nostris Portelains ; quorum officium vel dignitas Portulanatus nuncupatur, in Stat. Caroli reg. Sicil. Mss. :

Magistri Portulani....... teneantur exprimere....... nomen et cognomen vassallagii in quo honerata sunt, et ipsius vassalli patroni... Ut nullus deinceps ad Portulanatus officium assumatur, de quo non possit haberi vindictam sanguinis.

Lit. remiss. ann. 1425. in Reg. 173. Chartoph. reg. ch. 373 :

Le conte de la Marche ordonna icellui Thassin Gaudin chevalier, maistre Portelain du royaume de Naples, qui est ung des beaulx et prouffitables offices d'icellui royaume... Après certain temps les gens d'icellui royaume se rebellerent contre ledit Conte, que on appelloit lors Roy Jaques, et le detindrent prisonnier.

les Bénédictins de St. Maur, 1733–1736.

Portuzani, ut Portulani. Anonymus de gestis Manfredi et Conradi Reg. apud Murator. tom. 8. col. 609 :

Legem ponit (Carolus Rex) regnicolis, novosque secretarios, justitiarios, admiratos, protonotarios, Portuzanos, dohanerios,.... statuit. Portularios

edidit Baluzius tom. 6. Miscell. pag. 277.

les Bénédictins de St. Maur, 1733–1736.

Portulania, Officium, dignitas Portulani. Longinus in Vita S. Stanislai tom. 2. Maii pag. 274 :

A nobili domino Johanne Sobyeusky officium Portulaniæ precario obtinuit.