PORTUS 10, Glossarium mediae et infimae latinitatis, Du Cange et al.

« 10 portus litterarum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 428b. http://ducange.enc.sorbonne.fr/PORTUS10

10. PORTUS Litterarum, Merces pro allatis epistolis, Gall. Port de lettres. Comput. ann. 1482. inter Probat. tom. 4. Hist. Nem. pag. 19. col. 1 :

Solverunt dicti domini consules præfato Johanni Comte, pro Portu dictarum litterarum,... tria scuta auri, valentia iiij. libr. xvij. solidos, vj. denarios.

Portum Facere dicitur navis, quæ ad portum appellit, causa vendendi vel comparandi merces. Charta ann. 1079. apud Gariellum in Episcopis Magalonensib. pag. 76 :

Concedo in allodium sedi Magalonensi, et Clericis omnibus illic viventibus, vel victuris, naves ad portum maris pertinentes, hic, vel ubicunque in honore meo faciat Portum ipsa navis.

Litteræ ann. 1363. inter Ordinat. Reg. Franc. tom. 4. pag. 240 :

Ordinatione facta ne quis Portum, a portu de Leucata usque gradum de Passone, facere præsumat, etc.

Occurrit rursum ibid. pag. 632. Charta ann. 1230. apud Murator. tom. 4. Antiq. Ital. med. ævi col. 363 :

Illæ naves hoc datium trium denariorum solvere debeant, quæ Portum fecerint, et remanserint apud civitatem Ferrariæ, causa suarum rerum illuc vendendi vel compa randi.