POSTERGARE, Glossarium mediae et infimae latinitatis, Du Cange et al.

« Postergare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 432c. http://ducange.enc.sorbonne.fr/POSTERGARE

POSTERGARE, Post tergum relinquere, rejicere ; vox Italica. Gesta Ludovici VII. Reg. Franc. cap. 10 :

A sinistra parte terram Philadelphiæ Postergantes, ad civitatem Smyrnæ venerunt.

Galli dicerent, Laissant derriere la ville de Philadelphie. Utitur Gobelinus Persona in Cosmodromio ætat. 6. cap. 87. ut et Scriptores aliquot Itali. Auctor Flammetæ :

Postergatorio Scudo

. Alius :

Postergata la ragione

. Hinc

les Bénédictins de St. Maur, 1733–1736.

Postergare, Posthabere, contemnere, negligere. Gloss. vett. : Postergare, postponere, negligere. Postergo, μετίεμαι, in Gloss. Lat. Græc. Charta ann. 1319. apud Ludewig. tom. 5. Reliq. MSS. pag. 262 :

Perpetuo possidere possunt et debebunt omni jure, exemptione juris seu facti qualibet Postergatis.

Litteræ Ludovici Bavari Imperator. ann. 1328. apud eumd. tom. 2. pag. 280 :

Qui mentientes et Postergantes fidem nobis debitam et imperio, rebellionis spiritum assumserunt.

Litteræ Alberti Episc. Mindens. :

Cultum divinum inibi... institutum penitus quasi Postergarunt.

Necrolog. Lauresham. apud Schannat. in Vindem. litter. pag. 26 :

Offertoria sua... nobis dari et præsentari, Postergato omni subterfugio, disposuit et curavit.

Adde Spicil. Acher. tom. 8. pag. 293. Batav. Sacr. pag. 203. etc. Vide Posterigare.

les Bénédictins de St. Maur, 1733–1736.

Postergare Diem, Rejicere, differre, producere. Charta Casimiri Reg. Polon. apud Ludewig. tom. 5. Reliq. MSS. pag. 598 :

Debebit intra dictos menses destinare nuntios,... nisi sæpe fatus dom. Marchio Moraviæ et nos de alia die anticipanda vel Posterganda contingat fortassis unanimiter concordari.