PRÆCANTARE, Glossarium mediae et infimae latinitatis, Du Cange et al.

« Præcantare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 450a. http://ducange.enc.sorbonne.fr/PRAECANTARE

PRÆCANTARE, In modum incantatorum immurmurare. Acta Martyrii S. Castuli num. 3 :

Permitte me ei Præcantare, et forsitan recipiet sanitatem.

Judicia de criminibus apud Marten. tom. 7. Ampliss. Collect. col. 35 :

Si quis Præcantaverit ad fascinum vel qualescumque præcantationes, excepto Symbolum sanctum aut orationem Dominicam, qui cantat et cui cantatur, tres Quadragesimas in pane et aqua pœniteat.

Vide Cantatores.

Præcantator, Qui alias Incantator, Carminator, Gallis Enchanteur. Jonas Aurelian. lib. 1. de Instit. Laicali cap. 6 :

Phylacteria, vel characteres diabolicos, nec sibi, nec suis, aliquando suspendant : Præcantatores vel ministros diaboli fugiant.

Adde Concilium Toletan. XVI. cap. 2 : Præcantare et Præcantatio dicitur præsertim in præstigiis magicis. Glossæ : Præcantat, ἐπᾴδει. Ventriloqui, Præcantatores, in Gloss. Isidori. Marcellus Empiricus cap. 15. pag. 105 :

Præcantabis jejunus jejunum, etc. Præcantationes.

Veteres Glossæ : Præcantationibus consecrata, ἐπαοιδαῖς τετελεσμένη. Apud Juvenalis interpretem. Sat. 15 :

Statua Memnonis magice consecrata, id est Præcantationibus consecrata.

Sic Solinus cap. 27. dixit :

Heliotropium gemmam Præcantationibus consecrari.

Vegetius lib. 3. Artis veterin. cap. 44 :

Aliquanti Præcantatione tentant afferre remedia, quæ vanitas ab aniculis solis diligenda est : cum animalia, sicut homines, non inanibus verbis, sed certa medendi arte curentur.

Ita Præcantationes, apud Gaudentium Brixiensem Episc. Tract. 4. in Vita S. Samsonis Confess. MS. cap. 3. apud Aimoinum libr. 3. Historiæ Franc. cap. 51. Præcantatrix, apud Plautum in Milite Glor. ἡ ἐπαοιδός :

........ da quod dem Quinquatribus,

Præcantatrici, conjectrici, ariolæ, atque haruspicæ,