« »
 
[]« Prædicare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 456b. http://ducange.enc.sorbonne.fr/PRAEDICARE
PRÆDICARE, Verbum facere ad populum, concionari in Ecclesia, Gallis Précher. Concilium Vasense II. cap. 2 :
Si [] Presbyter, aliqua infirmitate prohibente, per seipsum non potuerit Prædicare, sanctorum Patrum homiliæ a Diaconibus recitentur.
Cyprianus in Vita S. Cæsarii Arelatensis :
Docuit præterea memoriter, quamdiu potuit, altaque voce semper in Ecclesia Prædicavit, etc.
Vide Concilium Arelat. VI. can. 10. Aquisgran. can. 82. Mogunciacum cap. 25. Pontigonense ann. 876. cap. 7. Capitul. 1. ann. 810. cap. 5. Capitula Caroli M. lib. 1. cap. 82. 76. 160. Durandum lib. 4. Ration. cap. 26. etc. Prædicare aliquem apud Cassiodorum et alios. Vide Furlan. in Append. Forcell. Lexic. et Maii Glossarium novum.
L. Henschel, 1840–1850.
Prædicare Juramentum, Dictare alicui conceptam formulam jurisjurandi. Vide Haltaus. Glossar. German. voce Staben, col. 1718. et mox Prædictare.
Prædicatio, Concio ad populum. Messianus in Vita S. Cæsarii Arel. :
Clericali habitu ad altare venit, ubi post Prædicationem, quam non solum in civitate, sed etiam in omnibus parochiis, cum potuit per se memoriter facere, non distulit, etc.
Lex Long. lib. 3. tit. 1. § 8. Carol. M. 57. :
Et ut (Episcopi) Prædicationes et confirmationes ibi expleant.
Adde Concilium Valentinum III. an. 853. c. 22. Conc. Ticinense ejusdem anni, initio, Capit. Regum. Fr. passim, etc.
les Bénédictins de St. Maur, 1733–1736.
Prædicantia, Eadem notione. Memoriale Potest. Regiens. apud Murator. tom. 8. col. 1107 :
Frater Johannes de. Bononia fecit magnam Prædicantiam inter castrum Leonem et castrum Francum.
Interdum nude pro Exhortatio. Chronic. Petri Azarii apud eumdem tom. 16. col. 378 :
Sed amplius non erat locus Prædicantiæ, immo correctioni.
les Bénédictins de St. Maur, 1733–1736.
Prædicatura, ut Prædicatio. Meisterlinus Histor. Rer. Noriberg. apud Ludewig. tom. 8. pag. 145 :
Adeptusque (Joh. Hus) Prædicaturam in Praga nobilem, in Bethleem ecclesia dicta, ubi doctrinam Wiclef extollebat.
© École des chartes.