PRÆSIDENTIALIS Magna Curia, Supremum regis Consilium, quod et Parlamentum dictum, cujus judices Magni Præsidentiales nuncupabantur. Diplom. Ludov. VI. ann. 1118. in Append. ad tom. 6. Annal. Bened. pag. 636. col. 1 :

Caput ipsum, quibuscumque omissis mediis, super præmissis coram magna Præsidentiali nostra regia curia solummodo habeat et teneatur respondere.

Aliud ejusd. reg. ann. 1120. inter Instr. tom. 8. Gall. Christ. col. 321 :

Coram magnis Præsidentialibus nostris Parisius, vel alibi, ubi nostra præcellens et suprema regalis curia residebit, immediate et solummodo habeant et teneantur respondere.

Hinc ad Præsides parlamenti, honorario cudone insignes, manavit appellatio de Grands Presidents.