PRAGMATICUM, Glossarium mediae et infimae latinitatis, Du Cange et al.

« Pragmaticum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 476c. http://ducange.enc.sorbonne.fr/PRAGMATICUM

PRAGMATICUM, Pragmaticum rescriptum, seu Sanctio pragmatica, dicitur, quæ adhibita diligenti causæ cognitione ex omnium procerum consensu in modum sententiæ ultro a Principe conceditur, aut fertur. Sanctus Augustinus Collat. III. cum Donatistis cap. 2. Pragmaticum rescriptum, quod supra præceptum Imperiale dicitur. Collatio III. Carthag. cap. 38 :

Peritiam sanctitatis vestræ arbitror non latere Pragmaticis rescriptis preces inseri non solere.

Adde cap. 39. Πραγματιϰοὶ τύποι, in Concil. Calched. act. 5.

Pragmaticum præceptum

, in Charta Ottonis Imper. ann. 977. apud Murator. delle Antic. Estensi pag. 198.

Edictum Pragmatica sanctione corroboratum

, in Diplom. Freder. I. Imper. ann. 1173. apud Miræum tom. 2. pag. 1178. Paulus Warnefridus lib. 2. de Gestis Langob. cap. 12 :

Cui Rex, ut erat largissimus, omnes suæ Ecclesiæ facultates concessit, et per suum Pragmaticum postulata firmavit.

Aimoinus lib. 1. Hist. Franc. cap. 17 :

Et ut ipsi posteri eorum illum possiderent locum, per suum firmavit Pragmaticum.

Vide Ughellum tom. 4. pag. 483. 789. et Salmasium ad Capitolinum pag. 259.

les Bénédictins de St. Maur, 1733–1736.

Pragmatica Constitutio, in Diplomat. Lotharii Imper. ann. 26. regni ejusd. in Ital. Hist. Mediani Monast. pag. 14 :

Eundem locum per Pragmaticam Regis Childerici Constitutionem prærogativa emunitatis libertate communiri impetravit.

Pragmatica Sanctio, in leg. 10. Cod. de Sacros. Eccl. (1, 2.) in Capitul. Caroli M. lib. 2. cap. 30. al. 32. etc. Vide leg. 3. Cod. Th. de Decur. (6, 23.) leg. 36. de Annona, (11, 1.) et leg. 52. de Hæret. (16, 5.) Philippus Rex Franciæ in Charta ann. 1312. pro Lugdunensib. :

Declaramus, atque Pragmatica Sanctione, nostraque authoritate declaramus, etc.

Vide Metropolim Sallsburg. tom. 1. pag. 350. et Ordinat. Reg. Franc. tom. 1. pag. 2. De Pragmaticis Sanctionibus S. Ludovici et Caroli VII. Regum Franciæ consulendi Scriptores nostri.

les Bénédictins de St. Maur, 1733–1736.

Pragmaticum dicta etiam Charta seu Diploma regium, in quo accurata fit recensio bonorum omnium alicujus Ecclesiæ vel Monasterii, in quorum possessione confirmatur. Privileg. Rotberti Reg. apud Mabill. in Append. ad tom. 4. Annal. Bened. pag. 5 :

Prædictorum igitur privilegiorum tenore considerato, ad notitiam futurorum placuit nobis in hoc Pragmatico confirmari et annotari possessiones, quæ in prædictis et in aliis Regum privilegiis continebantur, quas præsentialiter ejusdem cœnobii fratres gratia Dei secure et quiete possident.