PRECATURA, Idem quod Precaria 2. questa, roga. Bulla Stephani IX. PP. ann. 942. apud Miræum tom. 1. pag. 257 :

Scilicet ut nullus Episcopus, nullus Comes... in ecclesias aut loca, vel agros seu reliquas possessiones memorati monasterii (Broniensis) præsumat ingredi, aut ad causas audiendas aut Precaturas faciendas, etc.

Epistola Fulcardi Abbat. Lobiens. :

Precaturas, imo rapinas, quas nullas omnino habere debent, de avena, de multacibus, de denariis, de omnibus pene mobilibus, contra voluntatem pauperum, non precando, sed tollendo faciunt.

Perperam precatura pro piscatura, in Charta ann. 1209. apud Menagium Hist. Sabol. pag. 364.