PREDERIA, Glossarium mediae et infimae latinitatis, Du Cange et al.

« Prederia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 485a. http://ducange.enc.sorbonne.fr/PREDERIA

PREDERIA, Machina bellica, quam Petrariam alii vocant, a Preda Longobardis, pro Pietra, Petra, lapis. Rollandinus in Chronico Paduano lib. 1. cap. 12 :

Estensem villam occupans, et devastans, ac burgum, roccham obsedit hostiliter, machinis et Prederiis pro posse destruens.

Lib. 10. cap. 7 :

Cum Prederiis et balistis die ac nocte grandinant proditores, et villam, eosque jugiter impugnant, etc.

Cap. 8 :

Vidit fossam magnam, et præter flumen aggerem elevatum,... plurimas et densas Prederias per ripam fluminis.

Adde cap. 1. ejusdem lib. 10. Ottobonus in Annal. Genuens. lib. 3. ad ann. 1207. apud Murator. tom. 6. col. 395 :

Easque (naves) invadendo Prederiis, balistis atque sagittis præliaverunt.

Bartholomæus in iisdem Annal. lib. 6. ad ann. 1244. ibid. col. 509 :

Venit ad portum Januæ versus burgum S. Thomæ, et traxit lapides cum Prederia posita in una ex galeis per civitatem.

Occurrit rursum in Memor. Potestat. Regiens. apud eumd. tom. 8. col. 1081. Vide Petraria 2.

les Bénédictins de St. Maur, 1733–1736.

Predaria, Eadem notione. Boncompagnus de Obsid. Anconæ apud Murator. tom. 6. col. 931 :

Currensque post faculam accendit,... sicque combustæ sunt machinæ et Predariæ per audaciam viraginis.

Vide Prædeira.

les Bénédictins de St. Maur, 1733–1736.

Predera, ut Prederia, apud Radulf. in Friderico I. Imper. tom. 6. Murator. col. 1178 :

Et cum testeris et Prederis expugnaverunt illud (castellum).