Privilegia Regum Francorum, Prærogativæ scilicet, in rebus spiritualibus, a summis Pontificibus iis concessæ, quæ describuntur in Reg. Cam. Comput. Paris. sign. A. fol. 155. r°. cum hac inscriptione :

Privilegia domini regis antiqua, renovata et rescripta propter correctionem domini papæ, pro quibus privilegiis renovandis capiuntur super regem per computum thesaurarii ad S. Johannem cccxviij. xlj. flor. et ix^c. iiij^xx. xj. grossos argenti, quos magister Radulphus de Perellis expendidit in curia Romana pro eisdem.

• Primo quod confessor dom. regis, audita confessione sua ac uxoris et liberorum ac fratris suorum, ipsos ab omnibus delictis, juxta formam ecclesiæ, absolvere possit.
• Item quod confessor, quem dom. rex habet et habiturus est, possit ipsum dom. regem ab omnibus peccatis suis et ab omnibus excommunicationibus absolvere.
• Item quod dom. rex, pro participatione cum excommunicatis, non incurrat sententiam.
• Item de eodem pro dom. rege et ejus familia.
• Item quod dom. rex nulla sententia generali possit ligari.
• Item de eodem pro dom. rege et illis, qui de mandato dom. regis circa ea paruerunt, pro quibus sententiæ latæ sunt vel ferentur.
• Item quod dom. rex possit facere detineri clericos flagitiosos.
• Item quod nullus in personas dom. regis, uxoris et filiorum suorum excommunicationis sententias promulgare valeat, aut eisdem ingressum ecclesiæ interdicere.
• Item quod elemosinæ, quas dom. rex faciet, cedant loco restitutionum.
• Item quod nullus possit interdicere capellas dom. regis.
• Item de eodem pro dom. regina.
• Item quod dominus rex et dom. regina possint audire divina in locis interdictis.
• Item indulgentia xl. dierum concessa illis, qui pro dom. rege, regina et liberis eorum orabunt Dominum.
• Item indulgentia unius anni concessa dom. regi et illis, qui secum fuerint in dedicatione ecclesiæ vel altaris.
• Item indulgentia unius anni concessa dom. regi et illis, qui secum fuerint in prædicationibus.
• Item quod clerici et capellani dom. regis non teneantur ad aliud officium, quam ad illud quod secundum morem curiæ regis celebratur.
• Item ut clerici dom. regis non cogantur recipere commissiones Sedis Apostolicæ.
• Item ut clerici dom. regis possint. promoveri ad omnes sacros ordines per quoscumque prælatos, quos dom. rex maluerit.
• Item quod clerici dom. regis et in suo servitio existentes, possint percipere grossos fructus beneficiorum.