PRODIGNARI. Ordinat. Alfonsi comit. Tolos. ann. circ. 1254. inter Probat. tom. 3. Hist. Occit. col. 512 :

Jurabunt senescalli et bajuli,... quod nullum donum recipient... nisi esculentum vel poculentum, quod infra dies proximos Prodignatur, et quæ jus permittit.

Ubi legendum Prodiguatur, id est, consumatur, ut certo efficitur ex juramenti formula senescallorum aliorumque judicum tom. 1. Ordinat. reg. Franc. pag. 364. art. 40 :

Jurabunt quod per se nec per alios recipient.... donum,... exceptis esculento vel etiam poculento, et aliis ad comedendum et bibendum ordinatis ;... et in tali quantitate ea recipient, quod infra unam diem possint, absque devastatione, consumi.