PRODITORES. Proditorum effigies, ut omnibus forent noti, locis publicis appendebantur : cujus moris testis est Laur. Bonincont. in Annal. suis ad ann. 1376. apud Murator. tom. 21. Script. Itat. col. 27 :

Rodulphus Varanus... ad pontificem defecit... Ob eam rem Florentini tamquam fœdifragum portis adpinxerunt. Hanc ille contumeliam ultus eo est, quod octo Florentinorum, qui curam belli habebant, in suis terris pingi fecit sub semisolio sedentes, veluti si quæ egisset, in os suum reciperent.

Et ad ann. 1425. col. 134 :

Ea tempestate Antonius Pisanus, Albericus Cunii comes, et Christophorus Lavellus a Florentinis defecere, et similiter ex more pinguntur Proditores locis publicis civitatis.